فيلم أمريكي ... ولا : فيلم رزقاوي
حمدي رزق السبه الكبيرة في جريدتي المفضلة المصري اليوم – أبو الحمايد مستظرف نفسه قوي – وطايح يتكلم هنا وهناك عمال على بطال علشان حد يعبره ويرد عليه، بصراحة يا جماعة الراجل صعب علي وقررت أني أرد عليه كلام صغيرين –على قده يعني – هو راجل بيفكرني باللمبي لما قال ركبي بتخبط على الجيران، وكان زمان قوي فيه فيلم معرفهوش، وفي الحقيقة أنا ما شفتوش وبصراحه ما تعرضش في السينما ولا حتى أتمثل اسمه، (أهرشي في شعري ياسي خليل) وفيلم أقوه (زغزغني في كوعي ياسي أحمد).
أنا مش فاهم أي حاجة من كلام سي رزق خالص، حاجة من اليمين وحاجة من الشمال، أيو يا عم الحاج .. عبر .. عبر..
ده بيتكلم بسم مين بالضبط باسم الحزب الوطني، ولا باسم الرياسة ولا باسم أمن الدولة، متهيئلي الأخيرة، والله أعلم.
موش عايزين نفتري على الراجل المفتري.. دلوقتي هو بيقسم بالله أيمانات مغلظة بأن الإخوان مصممين على الاتصال بالأمريكان وأن الإخوان ليهم اتصالات مع الأمريكان سرا وعلانية... أزاي عرف سيادته سرا لو افترضنا أن فيه حاجة في العلن.. والإخوان حلفوهم ، وحياة عمة اللي خلفت أبوك يا حمدي .. أن أحنا مفيش اتصالات سرية ولا حاجة وأن لو فيه أي اتصالات هتكون عن طريق الخارجية موش عن طريق حد تاني ولا بشكل مباشر يا حاج، طب بالله عليك يا شيخ نصدقك أنت ولا نصدق ناس متوضيين على طول وجربناش عليهم كدب خالص.
... طب وبعدين أنت بتلوم أمريكا علشان عايزة تتصل بالإخوان، وأنت مالك أهلك أنت وبعدين وإحنا مال أهلنا إحنا برده (متزمتين) بالأمريكان... هو الأمريكان عايزين أذن من حد علشان يتصلوا بحد وأنت محموق قوي كده ليه، كانت حمقتك دي فين لما دخلوا العراق وبهدلوا الدنيا هناك ولما عسوا في الأرض فساد وفي أفغانستان ولا تجربتهم في الصومال.. ولا .. ولا.. ولا.. طب الإخوان قابلوهم (قدام الناس كلتهم) قالوا لهم كده وما أكسفتوش .. وكشفوا وشهم وإحنا الريس بتعنا قال للأخت كوندي أنا مقدر تماما التدخل في الصومال يعني أكيد فيه فرق يا عم الحاج حمدي..
أما بقه حكاية دوني متصور أنك أنت وأمثال معاليك هبل أو هطل أو برياله سياسية.. فشكل عم دوني ده راجل له نظره برضه.. وبعدين يا عم الحاقد موش هتبقى صريح مع نفسك بقه، وتداري شويه الغل اللي في جتتك ده آل يا مأمنه للإخوان .. آل هو أنت وحده ست وبتتكلم على رجلها .. إكبر بقه يا عم الجنرال .
الإخوان أأمن ناس على مصر هما وكل المخلصين اللي مش أمثالك .. وبعدين أنت عمال تتكلم عن الحوار .. الحوار.. هي حكومتك أمتى فكرت تتحاور مع حد أبدا.. ولا أنت كمان عايز تقنعني أن(الحوار الحضاري) بين النظام والمعارضة دي حوار بجد موش ديكور يعني ولا فيلم أمريكاني ولا فيلم رزقاوي ولا حتى جملاوي..
طب ما الراجل الطيب عم الحاج أباظة راح صوته في الحوارات وطمئنوه على الآخر علشان يبلفوه والشهادة لله عملوها وبلفوه وطلع الراجل نقبه على شونة (ومحزمة كمان) حوار يا عم حوار، وبعدين يا برنس الحاج الكبير بتعنا ماهو بيستقبل كل يوم ناس معارضين أش من إسرائيل.. وأش.. من السودان.. وأش من أمريكا.. جيت يعني على الغلابه دول .. ولا أنت لسه يا عم حمدي على رأسك بطحة.فوق بقه يا عم الحاج حمدي.. وبطل استظراف أفيهاتك هايفة أرجو ألا تشكرني علشان أن عبرتك ورديت عليك بصراحه أنا زعلان قوي على اللي علمته، وها أروح دلوقتي أتوضأ وأصلي ركعتين يمكن ربنا يغفرلي.
أنا مش فاهم أي حاجة من كلام سي رزق خالص، حاجة من اليمين وحاجة من الشمال، أيو يا عم الحاج .. عبر .. عبر..
ده بيتكلم بسم مين بالضبط باسم الحزب الوطني، ولا باسم الرياسة ولا باسم أمن الدولة، متهيئلي الأخيرة، والله أعلم.
موش عايزين نفتري على الراجل المفتري.. دلوقتي هو بيقسم بالله أيمانات مغلظة بأن الإخوان مصممين على الاتصال بالأمريكان وأن الإخوان ليهم اتصالات مع الأمريكان سرا وعلانية... أزاي عرف سيادته سرا لو افترضنا أن فيه حاجة في العلن.. والإخوان حلفوهم ، وحياة عمة اللي خلفت أبوك يا حمدي .. أن أحنا مفيش اتصالات سرية ولا حاجة وأن لو فيه أي اتصالات هتكون عن طريق الخارجية موش عن طريق حد تاني ولا بشكل مباشر يا حاج، طب بالله عليك يا شيخ نصدقك أنت ولا نصدق ناس متوضيين على طول وجربناش عليهم كدب خالص.
... طب وبعدين أنت بتلوم أمريكا علشان عايزة تتصل بالإخوان، وأنت مالك أهلك أنت وبعدين وإحنا مال أهلنا إحنا برده (متزمتين) بالأمريكان... هو الأمريكان عايزين أذن من حد علشان يتصلوا بحد وأنت محموق قوي كده ليه، كانت حمقتك دي فين لما دخلوا العراق وبهدلوا الدنيا هناك ولما عسوا في الأرض فساد وفي أفغانستان ولا تجربتهم في الصومال.. ولا .. ولا.. ولا.. طب الإخوان قابلوهم (قدام الناس كلتهم) قالوا لهم كده وما أكسفتوش .. وكشفوا وشهم وإحنا الريس بتعنا قال للأخت كوندي أنا مقدر تماما التدخل في الصومال يعني أكيد فيه فرق يا عم الحاج حمدي..
أما بقه حكاية دوني متصور أنك أنت وأمثال معاليك هبل أو هطل أو برياله سياسية.. فشكل عم دوني ده راجل له نظره برضه.. وبعدين يا عم الحاقد موش هتبقى صريح مع نفسك بقه، وتداري شويه الغل اللي في جتتك ده آل يا مأمنه للإخوان .. آل هو أنت وحده ست وبتتكلم على رجلها .. إكبر بقه يا عم الجنرال .
الإخوان أأمن ناس على مصر هما وكل المخلصين اللي مش أمثالك .. وبعدين أنت عمال تتكلم عن الحوار .. الحوار.. هي حكومتك أمتى فكرت تتحاور مع حد أبدا.. ولا أنت كمان عايز تقنعني أن(الحوار الحضاري) بين النظام والمعارضة دي حوار بجد موش ديكور يعني ولا فيلم أمريكاني ولا فيلم رزقاوي ولا حتى جملاوي..
طب ما الراجل الطيب عم الحاج أباظة راح صوته في الحوارات وطمئنوه على الآخر علشان يبلفوه والشهادة لله عملوها وبلفوه وطلع الراجل نقبه على شونة (ومحزمة كمان) حوار يا عم حوار، وبعدين يا برنس الحاج الكبير بتعنا ماهو بيستقبل كل يوم ناس معارضين أش من إسرائيل.. وأش.. من السودان.. وأش من أمريكا.. جيت يعني على الغلابه دول .. ولا أنت لسه يا عم حمدي على رأسك بطحة.فوق بقه يا عم الحاج حمدي.. وبطل استظراف أفيهاتك هايفة أرجو ألا تشكرني علشان أن عبرتك ورديت عليك بصراحه أنا زعلان قوي على اللي علمته، وها أروح دلوقتي أتوضأ وأصلي ركعتين يمكن ربنا يغفرلي.
